A son tacâts I lavôrs leâts al Plan Asfalts dal 2026 inmaneât dal comun di Cividât. I lavôrs a laran indenant par doi mês e a saran fats su vie dello Sport, vie Luinis, via Donatori di sangue, vie del Lavoro, vie Calderini, vie Cavallieri di Vittorio Veneto, vie San Lazzaro, vie Manzano, Piazzetta San Nicolò, vie Borgo Viola, vie Dal Mus, vie Scipione da Manzano e vie Buonarroti. L’invistiment in dut al sarà di 600 mil euros, cun fonts metûts dal Comun. I lavôrs a son tacats un pôc in ritart par vie dal fat che prime si veve di meti ju la fibre e nol veve sens tornâ a fiscâ lis stradis pôc dopo velis metudis a puest, come che al à spleât Giuseppe Ruolo che al è stât daûr dai lavôrs.
“La gjestion atente des risorsis e sta permetint di slargjâ i lavôrs – al à sotlineât l’assessôr ai lavôrs publics Stefano Coceano – e in graciis dai sparagns vûts dilunc de gare la Aministrazion e à metût dentri tal Plan altris areis indulà che l’asfalt al è une vore ruvinât”.
E je ancje stade metude a puest viâl Libertà daspò ve fat i lavôrs di E-distribuzione e une volte finide la pose dal gnûf acuedot a sarà metude a gnûf ancje vie IV Novembre. Stes discors par vie Borgo Viola, vie Zuccola e vie delle Acque indulà che a stan metint ju la fibre. (a.d.g.) – 23.02.2026
