Stanziâts 48 mil euros par meti in sigurece la strade di Savogne a Cepletischis

Cuntun decret di urgjence, la Protezion civîl dal Friûl-Vignesie Julie e à stanziât plui di 48 mil euros par meti in sigurece la cueste interessade la gnot passade di un slac intal Comun di Savogne, dilunc de viabilitât tra il cjâflûc e Cepletischis, in localitât Puint Ranta.

A dâ notizie il vicegovernadôr cun deleghe ae Protezion civîl dal Friûl-Vignesie Julie, Riccardo Riccardi.

Il stanziament al à permetût di inviâ daurman lis oparis pe metude in sigurece de viabilitât, che e jere stade disponude la sierade. A stan za fasint i lavôrs, su afidament de Protezion civîl regjonâl, par sigurâ il prime pussibil il passaç normâl dilunc de arterie, previodût dentri de zornade di vuê. (A.D.G.) – 17.03.2023