Stadi blindât a Udin pe partide cul Napoli

A mancjin pocjis oris ae partide dal an, chê che usgnot e varès di consegnâ il scudet al Napoli, se la scuadre alenade di Spalletti no pierdarà a Udin: i baste une pate par rivâ al tierç titul de sô storie. Di îr, intant, a son rivâts in citât i prins tifôs, che usgnot a varessin di jessi tra i 10 e i 15 mil al stadi Friuli/Dacia Arena: in pratiche, metât dai puescj totâi dal implant. Lis fuarcis dal ordin a àn rinfuarçât lis misuris di sigurece, ancje pai precedents tra i doi publics, in passât. Il stadi e i cuartîrs dongje a saran in pratiche blindâts e za di îr di sere la scuadre e je protete de polizie intal albierc a Udin Nord, dulà che e je lozade. (A.I.) – 04.05.2023