Un pakistan che si cjatave ai arescj domiciliârs inte sô cjase a Pordenon, par cause dal spaç di droghe, al è stât arestât de Vuardie di finance daspò che si jere slontanât de sô abitazion cence fâsi cjatâ. Fintremai, par no fâsi ricognossi, l’om al veve cambiât il so aspiet taiant barbe e cjavei e metint su’ un cjapiel, tal tentatîf di confondisi tal mieç di un grup di siei conazionâi.
Dut câs i agjents lu àn cjatât di stes e lu àn blocât su ordin de Procure de Republiche di Pordenon. Dilunc de percuisizion de abitazion dal om, i financîrs a àn cjatât e secuestrât 5.400 euros in contants, considerâts vuadagn dal spaç.
Intune seconde operazion, simpri i financîrs dal Comant provinciâl di Pordenon a àn blocât un afghan zovin dongje dal parc dal seminari. Il fantat, di pôc deventât maiôr, ospit di une cjase di acet, al è stât cjatât cun 50 grams di hashish. Par chest al è stât denunziât ae Procure par detenzion di droghe cul fin dal spaç. (a.d.g.) – 29.11.2024
