196
Si è concludût aes 11.45 un intervent di socors tacât tor des 10.50 a Cjanive di Tumieç. Dilunc il troi che al puarte ae Plêf di Sante Marie Oltribût, tra i baraçs, al jere stât cjatât colât in svaniment un om di 74 agns. A dâ l’alarme al è stât un grup di fantats che al jere daûr a lâ sù. E je la stesse persone che, cualchi dì indaûr, e jere stade socorude sot de Torate Picotta. L’om al è stât judât dai tecnics de stazion di For Davôtri dal Socors Alpin, de Vuardie di Finance, des Vuardiis dal Fûc, dai sanitaris de ambulance. Tignût cont des sôs seriis cundizions, l’elisocors lu à puartât tal ospedâl di Udin. (A.D.G.) – 13.07.2022
