I carabinîrs de stazion di Daçan a àn judât îr tal dopomisdì un zovin che si cjatave intun moment une vore dificil, daspò che a jerin stâts clamâts de mari une vore in pinsîr.
Tor de une e mieze dopomisdì e je rivade ae centrâl operative la domande di jutori de femine in pinsîr fuart par vie dal fi di 28 agns – sot cure par problemis di nature psicologjiche -che si jere slontanât di cjase. Pôc dopo des trê di dopomisdì i carabinîrs a àn cjatât il zovin inte localitât Madone dal Bembo, sentât di bessôl su la rive dal flum Sile che al cjalave la aghe intun stât di fuart patiment psicofisic.
Un dai doi carabinîrs, che lu cognosseve ben, si è svicinât cun tante calme e al à tacât a fevelâ al fantat che si è cuietât fintremai cuant che no son rivâts i sanitaris par cjapâsi cure di lui. (a.d.g.) – 02.07.2026
