Diviers forescj a son stâts slontanâts di Udin stant che iregolârs, cjatâts cjocs o za colpîts di ordin di slontanament. Îr dopomisdì, i agjents de Cuesture a àn identificât in vie Leopardi un pakistan che cuintri di lui al jere za un procediment di espulsion. L’om al è stât denunziât ae Autoritât Judiziarie par mancjât rispiet dal ordin di slontanament e puartât al CPR (centri par rimpatris) di Gardiscje. L’iregolâr al jere in compagnie di un conazionâl sanzionât par cjoche cul slontanament de zone par 48 oris.
Doi proviodiments di jentrade improibide aes areis urbanis a son stâts invezit notificâts a un citadin bengalês, plui voltis sanzionât par cjoche inte zone de autostazion, e a un citadin afghan responsabil in passât ancje di reâts inerents ae droghe e di une rapine, par 6 mês e 10 mês de aree in cuistion e viis limitrofis.
Il personâl de Division Anticrimin de Cuesture di Udin, cun di plui, al à mandât fûr intai fins di setemane altris cuatri proviodiments analics di jentrade improibide aes areis urbanis, al moment in cors di notificazion. Infin, un ecuipaç, intervignût par une barufe tra dôs personis in vie Leopardi, al à denunziât un citadin talian coinvolt par ofese a uficiâl public. (a.d.g.) – 18.10.23
