Siore cjapade sot di une auto tal borc de stazion a Udin

da Alessandro Di Giusto

Femine cjapade sot vuê di matine a Udin, intant che e jere daûr a traviersâ lis strichis in vie Dante Alighieri, che a zontin la scuele elementâr dedicade al poete e il zardin Giovanni Pascoli.

A tirâle sot une Mercedes pôc prime des 9. I socors a son rivâts daurman, ma a son stâts pluitost complicâts e a àn vût bisugne dal intervent dai Vigjii dal Fûc parcè che la siore si cjatave cuasi dal dut sot de machine e dome il cjâf al jere restât fûr.

Par fortune la feride e je restade simpri cussiente. Par gjavâle di sot i pompîrs a àn tirât sù la machine e cussì i sanitaris dal 118 a àn podût curâle e puartâle daurman tal ospedâl di Udin.

Par fuarce di robis il trafic dilunc des stradis che di vie Gorghi a puartin bande place della Repubblica al à patît ralentaments fuarts. (a.d.g.) – 05.02.2025

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui