Sigurece dal personâl sanitari, cressude la presince de polizie intal ospedâl di Pordenon

da Alessandro Di Giusto

Al è stât rinfuarçât il presidi de Polizie di Stât intal ospedâl Sante Marie Dai Agnui di Pordenon. La decision e je rivade dopo di cualchi diretive dal Dipartiment de Sigurece Publiche e di intese cul Prefet di Pordenon. Intai dîs passâts a jerin stâts inviâts contats dipueste cul diretôr gjenerâl dal Ospedâl par implementâ i nivei di sigurece dal pront socors.

Il puest di Polizie za presint al vignarà rinfuarçât cun altri personâl cualificât, intant che par garantî un pront intervent in câs di agressions cuintri dal personâl sanitari e je in studi la istituzion di un colegament telefonic diret cu la sale operative de Cuesture di  Pordenon che e operarà in mût continuatîf intes 24 oris.

A son 189 i presidis di polizie za atîvs o di viertidure iminente intes struturis ospedalieris dopo des indicazions dal Ministri dal Interni, Matteo Piantedosi. (A.D.G.) – 08.03.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui