Sierât une altre volte il Bar Commercio a Pordenon

Cuintri dal bar Commercio che si cjate a Pordenon, in vie Santa Caterina, di front al ufici postâl centrâl de citât, al è rivât un gnûf proviodiment di sospension di 30 dîs, ordenât dal gnûf cuestôr Giuseppe Solimene.

La decision e je rivade dopo che il stes bar, che za prime al veve vût altris proviodiments dal gjenar, al risultave frecuentât di prejudicâts.

Si trate de tierce sierade pal puest: la prime e jere rivade tal 2018 daspò une serie di fats grivis pal ordin e la sigurece. Il secont proviodiment invezit intal 2021 cuant che intal bar e vevin dât di bevi a un client che al jere za cjoc che al veve dât cuintri a un altri client. (a.d.g.) – 01.03.2024