Al sarà sierât par vincj dîs un innomenât locâl din Premariâs indulà che a son stâts vie pal Istât. Ai 4 di lui une patulie dai carabinîrs e jere intervignude tal locâl dopo che e jere rivade une segnalazion par barufe tra clients che si jere cuietade pôc prime. In chê ocasion un assegnât ae sigurece al veve segnât doi oms che a jerin stâts denunziâts ancje par vê fat violence sessuâl cuintri di une frutate minôr di etât dongje dal locâl.
Il dì dopo, une altre frutate e jere stade socorude e puartade tal ospedâl in cundizions critichis par vie dal fat che e veve bevût masse.
La decision di sospindi la ativitât par plui di dôs setemanis e je stade cjapade dal Cuestôr di Udin in funzion preventive par tutelâ l’ordin public. (a.d.g.) – 24.09.2025
