I carabinîrs a àn scuviert une situazion igjieniche cussì grivie che al è stât decidût di fâ sierâ di bot la ativitât.
Il fat dilunc dai controi fats a Pordenon îr sot sere, cuant che i militârs a son jentrâts te cusine dal K2, cussì si clame il locâl, cjatant grisons che a corevin par dut ator dai fornei e tant sporc.
La operazion e veve di controlâ lis ativitâts dongje di place Risorgimento e lis stradis dongje.
La situazion inte buteghe gjestide di une citadine pakistane e jere cussì grivie che i carabinîrs a àn domandât l’intervent urgjent sul puest dal personâl de aziende sanitarie. I ispetôrs, daspò vê viodût i insets e la mancjance di rispiet des regulis ancje elementârs di netisie, a àn decidût la sospension sul moment de ativitât e une sanzion une vore alte pe titulâr.
Tes rognis al è finît ancje il gjestôr di un bar pôc distant, un cinês di 42 agns, multât par vê violât la normative europeane su la sigurece dai aliments. (a.d.g.) – 30.07.2026
