Si svicine il siopar dai agjents de Polizie locâl di Udin

Nol è lât par nuie ben l’incuintri tra la Aministrazion comunâl di Udin e il Sindicât autonom Polizie locâl (Sapol) che al è stât vinars passât.

Pal sindicat l’incuintri al è stât un faliment par vie de mancjance di un confront, dopo che ai 28 di Lui, denant dal Prefet, al jere stât fissât l’apontament par frontâ lis criticitâts operativis e di sigurece lamentadis dai agjents che propit par chest un mês indaûr a àn proclemat il stât di agjitazion. (a.d.g.) – 02.09.2025