Si spietisi trafic fuart su lis autostradis pe tornade des feriis

Ultime sabide di bolin neri su la rêt autostradâl di Autovie Venete par cheste stagjon estive. Situazion di trafic intens e in cualchi moment de zornade – soredut tacant di metât matinade e fin al dopomisdì sul tart – ancje critic, cun formazion di codis dilunc de cjarezade Ovest, o ben di Triest viers Vignesie. Al è ce che si spiete su la fonde des previsions de Concessionarie autostradâl che e à calcolât in plui o mancul 175 mil i passaçs inte zornade di sabide ai 27 di Avost. Cemût che al è sucedût inte sabide prime (177 mil passaçs) ae tornade dai vacancîrs de Cravuazie, de Slovenie e des localitâts balneârs furlanis e venitis, si messedaran lis ultimis partencis pes metis estivis e i pendolârs dal mâr. (A.D.G.) – 26.08.2022