Personis che a no son ancjemò stadis identificadis a àn robât un veicul par puartâ personis disabilis vie pe gnot a Pordenon. Po dopo cheste matine, forsit pe pôre che cualchidun al corès daûr di lôr, dopo che il paron de Fiat Doblò al veve segnalât la robarie, a son partîts di corse e si son sfracaiâts cuintri di dôs autos parcadis. I malvivents a àn lassât cussì il veicul intal mieç de strade e a son scjampâts a pît.
Il fat al è sucedût tra vie Gemona e vie Palmanova. Une patulie de Polizie locâl e je rivade sul puest e e je daûr a fâ investigazions par identificâ i criminâi. Par cheste reson, i uficiâi a stan cirint testemonis e a àn cjapât sù ripresis di diviersis telecjamaris di control video inte zone. Il veicul robât al è stât confiscât. La Citroen C3, parcade su la strade e cjapade cun violence de Fiat Doblò, e stade puartade vie. Ancje une Toyota Yaris e je stade danezade. (a.d.g.) – 23.01.2026
