Si piert a Claut, recuperade al cricâ dal dì

Une femine inglese di 23 agns e je stade socorude vie pe gnot a Pineda di Claut. La zovine si jere pierdude miercus dopomisdì fasint une escursion. Cuatri tecnics de stazion Valtellina de Sores, contatâts traviers il 112 de fantate stesse, le àn cjatade pôc prime des 3 di matine intun canalon de mont Barbano. La zovine, di fat, jentrant tal troi, e jere colade ripuartant diviersis traumis. Jessint il lûc ert, i socoridôrs a àn spietât la albe cu la zovine: aes 5.30 al è stât ativât l’elisocors e lis operazions di recupar si son conclududis pôc dopo lis 7. La inglese e je stade puartade tal ospedâl di Pordenon, ma no à ripuartât nissun traume grâf. (V.V.) – 21.07.2022