A son passe 26 mil i prodots metûts sot secuestri parcè che di cuintribant o pericolôs pe salût, cjatâts de Vuardie di Finance e dal personâl de Agjenzie des Doganis tal puart di Triest.
La robe e je stade cjatade in dôs cassis che a rivavin de Cine dopo jessi passadis in Grecie e che a varessin vût di lâ bande de Gjermanie.
Intune prime casse, di la dal materiâl regolarmentri declarât, i funzionaris a àn tirât fûr cetancj prodots no declarâts e duncje di cuintribant. Tra chei ancje 470 peluche che a jerin contrafats e 1.488 articui di bigjotarie che dopo dai esams dai laboratoris de Agjenzie des doganis a son risultâts nocîfs pe salût.
I controi suntune altre spedizion de stesse aziende a àn permetût di cjatâ une seconde casse cun 20 mil articui di cuintribant e 13 mil rezipets, ancje chei pericolôs pe salût. (a.d.g.) – 07.07.2025
