La Direzion investigative antimafie (Dia) e la Cuesture di Triest a àn secuestrât a un om di Triest bens par un valôr di plui di 400 mil euros, su ordin de sezion Misuris di prevenzion dal Tribunâl.
La operazion e je stade la ultime fase di une schirie di investigazions sul patrimoni fatis de Sezion operative de Dia e de division anticrimin de Cuesture che a vevin mostrat une fuarte sproporzion tra i redits declarâts dal om e il so patrimoni. Il sogjet al jere za cognossût aes fuarcis dal ordin par precedents leâts al trafic di droghe, tant che tal 2025 al jere stât arestât se Scuadre Mobile in esecuzion di un ordin di custodie cautelâr. In che volte a jerin stâts secuestrâts bêçs, zoiis e orlois di valôr che a jerin stâts considerâts tant che vuadagn di ativitâts ilecitis.
Ancje tal câs dal ultin secuestri, si tratave di bêçs in contants, zoiis e orlois di valôr, comprâts cui vuadagns ilecits. (a.d.g.) – 21.04.2026
