Vinars passât tal dopomisdì, dilunc di un control fat di une patulie de scuadre di pront intervent de Polizie di Stât, a son stâts arestâts doi oms e secuestrâts 200 grams di eroine.
Il fat al è sucedût dongje dal casel di Udin Sud, cuant che i agjents a àn fermât une auto par un control. Dentri de auto un campan che al jere ae vuide e un afghan che al à daurman visât i poliziots che intor al veve un pocje di hashish doprade par lui. I poliziots però si son inacuarts che i doi a jerin une vore tirâts e a àn decidût di puartâju in cuesture. Intant che a jerin par strade l’afghan al à cirût di di platâ dentri de auto de polizie un pacut cun 11 grams di cocaine che al veve metût intes mudantis. In Cuesture i doi e la auto a son stâts percuisîts e cussì a son saltâts fûr un cjalçut cun 16 ovui cun dentri 190 grams di eroine.
I doi a son stâts daurman arestâts e puartâts te preson di Udin. (a.d.g.) – 16.02.2026
Traficants di eroine cjapâts a Udin
58
