In mancjance di gnove ploie lis culturis di blave e soie, chês plui comunis in regjon, a laran incuintri a impuartantis carencis idrichis cun fuartis riduzions di rese. Chest parcè che di Dicembar 2021 a Jugn 2022 lis precipitazions a son stadis une vore pocjis, cun valôrs simii dome intal 2003 e intal 1993. Cussì l’assessôr aes risorsis agroalimentârs dal Fvj, Stefano Zannier, intervignût in Aule adun cul assessôr al Ambient, Fabio Scoccimarro, par rispuindi a une informative promovude de IV Comission cu la presidence di Mara Piccin (FI). Des relazions al è vignût fûr che la cuantitât di ploie colade di Dicembar 2021 a Mai 2022 e je al minim storic, valôr plui bas mai regjistrât di plui di un secul indaûr. (A.D.G.) – 14.07.2022
Sec storic in Friûl
187