Il cuviert di une cjase vueide di tant timp in via Anton lazzaro Moro a Udin, al è sdrumât jù par vie dal brut timp de gnot passade. Par vie dal crol, i Vigjii dal fûc rivâts sul puest tor des 5.40 sul cricà dal dî a àn declarât inagjibil l’edifici e cussì ancje le cjase dongje di indulà che a son stadis fatis jessi trê personis e bestiis di compagnie.
A son stadis visadis ancje ciertis associazions che a stan cirint di cjatâ i cinc gjats che a vin intal curtîl par metilu in sigurece. Lis operazions par meti l’imobil in sigurece a son ladis indenant par dute la zornade e cussì chês par taponâ un toc dal cuviert de cjase tacade a chê sdrumade.
A son stâts plui o mancul 20 i intervents di socors fats dai pompîrs di Udin intes ultimis 18 oris par meti in sigurece il teritori, tra inagaments e arbui malsigûrs. (a.d.g.) – 03.06.2026
