Scuvierts doi forescj intant che a Pordenon a baravin dilunc dal esam par otignî la patente

Un citadin indian di 30 agns e un pakistan di 25 a son stâts scuvierts e denunziâts de Vuardie di Finance di Pordenon par imbroi ai dams dal Stât: par passâ l’esam de patente di vuide a àn doprât une microcjamare cun auricolâr. In graciis di un sugjeridôr esterni, i doi candidâts a àn furnît lis rispuestis. Un dai doi candidâts dut câs nol à rivât a passâ la prove. In graciis de colaborazion cui vertiçs de Motorizazion Civîl, i financîrs a àn monitorât i partecipants al esam, individuant i doi suspietâts che a rispuindevin ai cuesîts singui dome dopo vê fat cierts moviments tant che, par esempli, justâsi dispès il cuel de maie. (a.d.g.) – 18.01.2024