Scuviert l’om che a Udin al bateve lis feminis par strade

Intai ultins dîs, in centri a Udin, si son verificâts episodis violents cuintri feminis di diviersis etâts. Qualchidun di chei fats al è stât denunziât aes fuarcis di polizie: protagonist un om che, cence motîf aparent, al bateve lis vitimis cun pidadis ae schene o inte panze, cence in ogni câs provocâ consecuencis gravis, par dopo scjampâ di corse.

Lis investigazions de Polizie di Stât, in colaborazion ancje cui Carabinîrs e la Polizie Locâl, a àn permetût di individuâ un om cence cjase che sui fats al varès responsabilitâts claris. Lis ativitâts a son ancjemò in cors par sclarî cun precision il câs. (ADG) – 27.10.2022