105
Scuintri vuê di matine a S. Lurinç Lisuntin tor des vot di matine tra un furgon e une moto cun parsore doi minôrs di Cormons e Caprive che a stavin lant a scuele. Par causis sot investigazion, li de crosere tra lis viis Nazionale e Udine al è stât il bot tra la moto 125 e il furgon vuidât di un om di cincuante agns dal puest.
Lis consecuencis plui griviis les à vudis il zovin che al vuidave la moto che al à patît une vore di roturis e al è stât puartat cul elicotar in conduzions griviis tal ospedâl di Gurize. Il vuidadôr dal furgon no si è fat nuie. Sul puest pai rilêfs i carabinîrs de stazion di S. Florean dal Cuei e dal nucli radiomobile di Gurize. (a.d.g.) – 23.03.2026
