Incident tra une machine e une motociclete vuê di matine su vie Antonini a Forcate di Fontanefrede. Une Opel Insigna, vuidade di un om di 60 agns di Lavorêt, tal lâ fûr de stazion di benzine Eni par jentrâ su la strade SP64 bande Fontanefrede, e si è dade cuintri cuntune motociclete KTM vuidade di un frut di 17 agns di Sacîl che al rivave di Villadolt. L’impat al è stât violent: il condutôr al à contât plui tart ae Polizie locâl rivade par investigâ, che nol veve notât la moto parcè che la sô vision e jere platade di un veicul comerciâl che al passave in chel moment.
Il zovin al è svolât a 5 metris di distance daspò dal impat. Une volte stabilizât dal personâl sanitari, il fantat al è stât puartât cul elicotar tal ospedâl di Udin. Al à une vore di fraturis, ma nol è in pericul pe vite.
I agjents de polizie locâl, par ricostruî miôr l’incident, a àn cjapât sù lis ripresis dal sisteme di video control de stazion di benzine. (a.d.g.) – 16.01.2026
