Scuintri frontâl a Fontanefrede, doi ferîts puartats tal ospedâl

Pôc dopo des 10 e mieze di vuê di matine a Sacîl, une Fiat Punto vuidade di une femine di 27 agns di Fontanefrede, forsit par vie de ploie, e je sbrissade suntune curve e e je lade in chê altre corsie  sbatint fuart cuintri di une une jeep che rivave di che altre bande, vuidade di un om di 62 agns.

Il scuintri al è stât pardabon fuart e i doi vuidadôrs a son restâts ferîts tant che a son stâts puartâts, in codiç zâl, tal ospedâl di Pordenon.

Sul puest i Vigjii dal fûc par tirâ vie lis machinis e meti in sigurece vie Geromina, indulà che a jerin za stâts altris incidents che e je restade sierade fintremai misdì, e i carabinîrs di Fontanefrede pai rilêfs. (a.d.g.) – 23.10.2025