Il gnûf puint sul Cormôr, a Basandiele di Cjampfuarmit, al è stât screât vuê di matine cult ai dal nastri ae presince de presidente dal consorzi di bonifiche de planure furlane Rosanna Clocchiatti, presints ancje il diretôr gjenerâl dal consorzi Armando Di Nardo, il sindic di Cjampfuarmit Massimiliano Petri, il conseîr regjonâl e president de IV Comission Ambient Alberto Budai e il segretari gjenerâl de Autoritât di bacin Marina Colaizzi.
“In Friûl – e à dit Clocchiatti – o sin passats dal sec aes ploiis fuartis tal zîr di pocjis oris e al è in chestis cundizions che si pues tocjâ cun man il lavôr dal Consorzi, che al puartâ la aghe indulà che e covente, puartâle vie indulà che e je masse e evitâ inagaments tai centris abitâts”.
Il puint lunc 33,80 metris fat su intun an e mieç di lavôr al è costat 2 milions e 650 mil euros, al è fat di ciment e açâl par cure des impresis Polese di Sacîl e Cimolai di Pordenon. Cumò a laran indevant i lavôrs di manutenzion straordenarie dilunc dal Cormôr par garantî la sigurece idrauliche di chest toc dal torint.m (a.d.g.) – 07.07.2025
