La storie de industrie furlane e je lungje e plene di inovazion e di sucès: conservâ la so memorie al vûl dî fâle deventâ il pont di partence pe future competitivitât de nestre imprenditorie. Par chest, inte Tor di Sante Marie di Confindustrie Udine, a nassin vuê La “Vetrina dell’Ingegno” e “Impresa futuro”. Intal stes lûc si cjatin, cuntune esposizion multimediâl inovative, che e ufrìs une esperience apassionante immersiva, passât presint e futûr de industrie dal teritori.
Al tai de curdele a son intervignûts il president di Confindustrie Udine Gianpietro Benedetti, il vicepresident vicjari Piero Petrucco, il vicepresident Anna Mareschi Danieli, l’architet Alessandro Verona (progjetist) e la professore Sabrina Tonutti (curadore de esposizion), in presince dal sindic di Udin, Pietro Fontanini, dal assessôr regjonâl ae difese dal ambient, energjie e disvilup sostignibil, Fabio Scoccimarro, e de sorintendent Archeologjie, bielis arts e paisaç dal Friûl – Vignesie Julie, Simonetta Bonomi.
Il president di Confindustrie Udin Benedetti al à sotlineât che “il passât al è une base pal disvilup de competence, che e à contribuît a costruî il presint, ma il futûr al domande di fâ plui ae svelte. (ADG) – 7.12.2022
