Screade a Cividât la gnove stazion di soste pai campers

Sabide ai 27 di vost e je stade screade la gnove stazion di soste dai camper di Cividât, in vie Istituto Agrario 3. Ae inaugurazion a jerin presints il vice sindic Roberto Novelli, l’assessôr al Turisim Giuseppe Ruolo e il conseîr regjonâl e Comunâl Elia Miani che a àn pandût sodisfazion pal completament de opare che e ricualifiche une ex discjarie. La aree camper, si cjate intun pont strategjic de viabilitât citadine, dongje de pissine comunâl, dal palaçut dal sport, de stazion dai trens e dai bus e e je dongje dal centri storic. (A.D.G.) – 30.08.22