Scjassade di taramot a Mueç

Regjistrade dal centri di ricercjis sismologjichis dal Ogs, vuê di matine aes dîs e mieze, une scjassade di taramot; l’epicentri al è stât localizât a 3 chilometris a sud ovest di Mueç a une profonditât di 16,9 chilometris.

Come al solit a son rivadis domandis di informazion al numar unic 112 e ae sale operative de Protezion civîl di Palme, cundut che no son stâts dams a robe o a personis. La scjassade si è sintude ben in Cjargne e ancje a plui in bas bande Udin.

Cheste aree si conferme jessi a basse sismicitât: tal ultin an a son stâts regjistrâts 547 taramots cun epicentri  dentri un rai di 50 chilometris, ma propit vuê e je stade la scjassade plui fuarte. (a.d.g.) – 19.03.2026