Schirie di tentatîfs di fraude tal Friûl Ocidentâl

I fraudadôrs a àn tentât îr une schirie di fraudi in vot comuns de provincie di Pordenon.

I delincuents che si presentavin al telefon tant che carabinîrs, a domandavin bêçs e zoiis par tirâ fûr des un parint che al veve fat un incident stradâl, cirint in cierts câs ancje di dividi lis cubiis di vielis cun cualchi scuse.

Ae fin no je lade cuissà ce ben pai malvivents, parcè che su desenis di clamadis, un solt colp al à cjapât tal segn, a S. Vît, indulà che une siore intimpade e à consegnât al fraudadôr mil euros in contants e une vore di zoiis.

In ducj chei altris câs, lis vitimis a àn metût jù la cornete e a àn clamât lis fuarcis dal ordin. (a.d.g.) – 09.09.2026