I controi straordenaris fats dai carabinîrs dal Comant provinciâl di Udin a àn permetût di denunziâ cuatri personis e di arestâ une cuinte, daspò de schirie di robariis fatis tal fin de setemane passât.
L’om arestât al è un forest che al veve za un mandât di arest european par une vore di robariis dentri des cjasis fatis tra lis provinciis di Padue, Pordenon e Udin e che cumò al fasarà 6 agns di preson.
Tal câs des robariis tes buteghis, a son stâts denunziâts un om di 30 agns e un altri di 24 cence cjase che a vevin robais scarpis di sport intune buteghe dal Città Fiera. Altris doi câs a son leâts ae robarie di robe di mangjâ tai supermarcjâts di Udin e inte Basse: par chest a son stâts denunziâts un om forest di 36 agns cence cjase e une femine foreste di 53 agns. Par dutis chestis robariis la robe puartade vie e je stade recuperade. (a.d.g.) – 18.03.2026
