Salvâts dal Socors alpin doi alpiniscj a Tarvis

Une scuadre fate di cuatri socoridôrs de stazion di Rabil dal Socors Alpin e de Vuardie di finance e à rivât a salvâ doi alpiniscj furlans restâts blocâts dilunc di une calade cun cuarde dopleade, pôc prime che al rivàs il maltimp che al varès di fat dineât la pussibilitât di lâ jù inte bande plui pericolose de parêt, su lis Alps Juliis.

Prime i socoridôrs, dopo vê superât in mancul di dôs oris un disnivel di passe 1.000 metris, a àn recuperât la zovine di 23 agns e daspò l’om di 37 agns. Cuant che a son rivâts jù e je tacade une fuarte tampiestade. (a.d.g.) – 16.06.2025