Un tic di fortune e il snait dai socoridôrs a àn salvât la vite a un escursionist di 76 agns, cjatât scanât par tiere dopo une gnot passade al viert a nord di Malborghet.
L’om al è stât cjatât par câs dai carabinîrs forestâi in fuart stât di ipotermie, no lontan dal Ripâr Ciurciule. Su la fonde de lôr segnalazion e je partide la mission di socors che e à cjapât i oms dal Socors alpin, de Vuardie di finance e dai operadôrs dal elisocors regjonâl.
L’om al à dit di jessisi slontanât îr di cjase e di jessi colât plui voltis intant che al cirive di tornâ, par dopo fermâsi dongje de gleseute dal Boscadôr.
Une volte metût suntune barele, l’escursionist al è stât cjamât cu la binte sul elicotar e puartât daurman tal ospedâl di Udin. (a.d.g.) – 03.02.2025