123
Un om di 52 agns al à glotût un orloi, ma la équipe de Gastroenterologjie dal ospedâl Santa Maria della Misericordia di Udin e je rivade a estrailu dal stomi, evitant al pazient complicazions leadis al pussibil passaç dal ogjet dilunc vie dal trat digjestîf.
De liscje di pes ai nusei di pomis, dal toc di zuiatul ae protesi dentarie, de monede al menevîts, de lamete al ovul di droghe, dai magnets fin aes pilis a stîl o a disc. Intal inventari dai cuarps estranis glotûts si contin ancje lis bocjadis dal mangjâ, dispès in pazients cun problemis di patologjiis dal esofac. Il campionari di ce che grancj e picinins a rivin a gloti al à dal incredibil. (a.d.g.) – 29.05.2022
