Un salam nostran produsût ai 4 di Març di chest an de “La Vecje Salumerie snc” di Rivignan – Teôr al è stât ritirat dal marcjât par vie de contaminazion cul bateri Listeria monocytogenes che al pues jessi une vore pericolôs soredut pai vielis, li feminis che a spietin e lis personis cul sisteme imunitari bas e che al pues dâ sintoms che a vadin dal disturp di panze e fintremai a formis plui grivis.
Il proviodiment al è stât cjapât pal lot L6CCDT, pal salam di 800 grams, daspò di un control microbiologjic fat dilunc di chei che si fasin di solit pe robe di mangjâ.
Il Ministeri de Salût al invide i consumadôrs a controlâ la etichete e a no mangjâ il prodot cjapât dentri tal lot e di tornâlu indaûr indulà che al è stât comprât. (a.d.g.) – 13.04.2026
