Doi rumens di 21 e 25 agns, cence cjase, a son stâts arestâts îr tal dopomisdì dai Carabinîrs dopo che a vevin puartat vie 500 euros de sale scomessis Snai di vie Morpurgo a Udin.
Il fat al è sucedût tal prin dopomisdì cuant che i doi si cjatavin te sale scomessis. Cu la scuse di cambiâ monede, un di lôr al à distrat l’assegnât intant che chel altri al à cjapat su 500 euros de casse par dopo scjampâ cuntune machine cun targhe foreste. L’alarme al 112 al è stât daurman tant che i carabinîrs dal Nucli radiomobile a àn capît indulà che a stavin lant i doi laris in graciis des telecjamaris di control e ju àn intercetâts a S. Denêl e a àn cirût di blocâju. I doi però no si son fermâts e e je tacade une corse bande Pordenon a velocitât alte. Il coordenament tra i comants provinciâi di Udin e Pordenon a àn permetût di sierâ vie vie dutis lis viis e a àn blocât e daspò arestât i doi a S. Zorç da la Richinvelde in sigurece.
I bêçs a son stâts cjatâts dentri de auto, platâts intun spazi fat a pueste dentri de sente dal vuidadôr e tornâts ae sale scomessis, intant che i doi rumens a son stât puartâts intes cjamaris di sigurece in spiete dal procès diret fat vuê. (a.d.g.) – 27.03.2026
