Robarie intune buteghe di bicicletis a Manià

A jerin di pôc sunadis lis cuatri di vuê cuant che al è partît l’alarme de buteghe di bicicletis Cicli Mauro, tal centri di Manià, che al à sveât une vore di int residente in vie Umberto Primo.

Trê delincuents cu la muse cuvierte vistûts cun tutis neris e manecis a jerin di pôc lâts dentri de buteghe daspò vê fiscât la puarte di ingrès. La robarie e je durade pôc e i laris a àn rivât a puartâ vie trê bicicletis eletrichis dal valôr di 16 mil euros. Cuant che a son rivâts i carabinîrs dal nucli radiomobile di Spilimberc e chei di Manià, i malvivents a jerin za scjampâts. (a.d.g.) – 02.07.2025