Robadis zoiis par 100 mil euros a Nimis

Gruesse robarie a Nimis, intun apartament di vie Gervasio. La proprietarie, une femine di 61 agns, che e à lavorât a lunc intal setôr de mode, îr di sere, dopo jessi tornade dongje, e à cjatât la cjase in disordin. I laris, dopo vê sfuarçât la puarte di jentrade, a àn robât tantis zoiis, par un valôr che – intune prime stime – al passe i 100 mil euros. Sul fat a indaghin i carabinîrs. (A.D.G.) – 12.05.2023