Robade vie pe gnot une ambulance intal ospedâl di S. Denêl

Îr vie pe gnot, tor des 11, e je stade robade une ambulance parcade fûr dal ospedâl di S. Denêl, dongje dal Pront socors. Cualchidun al è jentrât cence fâsi viodi, al à impiât il motôr e al è partît bande sud, su la strade provinciâl numar 5.

L’alarme dât daurman al à permetût ai carabinîrs di cjatâ in curt il mieç. La ambulance e je stade cjatade 40 minuts dopo in place Aquileia a Çumpite, cu lis clâfs ancjemò dentri dal cruscot. Nissun testemoni, ma par fortune no son stâts fats dams ae ambulance. Par cjatâ fûr il lari a saran controladis lis ripresis des telecjamaris di sigurece. (a.d.g.) – 22.03.2024