E je stade vuê di matine, inte sede dal Consorzi di Bonifiche de planure furlane a Udin, une riunion tra i dirigjents dal Consorzi e i assessôrs di Tavagnà, Paolo Morandini, e Adriano Pugnale di Pagnà, par fevelâ dai intervents di manutenzion e metude in sigurece dal torint Cormôr, presint ancje il conseîr regjonâl Moreno Liruti, za sindic di Tavagnà. Il Consorzi al sta preparant il progjet di fatibilitât, che dopo a rivaran il progjet esecutîf e lis autorizazions, cuntune spese di 334 mil euros.
“La prioritât – e à declarât la presidente dal Consorzi, Rosanna Clocchiatti – e va ae manutenzion des spuindis e dal jet dal torin, tacant de spuinde di çampe”.
Dentri dal Invier che al ven e sarà metude a puest la strade di Gris te crosere cun vie Rome, indulà che a passin i tratôrs. (a.d.g.) – 28.07.2025
