I judiç de udience preliminâr, Carlotta Silva, e à ametût al rituâl scurtat il president de Udinese Franco Soldati, il vicepresident Stefano capoccia e la societât sportive, difindûts tal ordin dai avocats Maurizio Conti, Andrea Franchini e Maurizio Miculan, pal procediment su lis plusvalencis leadis al zuiadôr Rolando Mandragora. Lis acusis a son chês di fals intes comunicazions sociâls, declarazions fraudolentis e evasion de Ires.
Su la fonde des imputazions, tal 2018 la Juventus e veve vendût il zuiadôr ae udinese cu la opzion par podêlu comprâ une altre volte par 20 milions di euros. Te realtât, i acuardis tra lis dôs societâts e previodevin un oblic irevocabil di riacuist de bande de societât di Turin. Mandragora al jere tornât ae Juventus doi agns dopo. Tal 20222, par finî, al fo vendût ae Fiorentina par 8 milions di euros. (a.d.g.) – 24.02.2026
