Rimandade la disinfestazion cuintri lis mussatis a Verzegnis e Tumieç

Cancelât l’intervent di disinfestazion cuintri lis mussatis puartadoris dal virus di Usutu in program vie pe gnot dai 26 di Avost a Tumieç e Verzegnis.

Dopo un confront che si è tignût tra i Sindics dai doi Comuns e il Servizi di prevenzion, sigurece alimentâr e sanitât publiche veterinarie de Regjon a son vignûts fûr diviers elements che a àn puartât ae decision di sospindi l’intervent. Intal câs di Verzegnis il grant numar di bôçs presints intal teritori dal Comun e il limit di 300 metris di distance di rispietâ pe disinfestazion, a varessin di fat inibît la aree di intervent. Par ce che al tocje invezit Tumieç, di sere a jerin programâts di timp dai avigniments publics che no si podeve rimandâ. (A.D.G.) – 26.08.2022