Ricuart di Pasolini a Cjasarse

Si è davuelte vuê a buinore aes 11.30 intal cimitieri di Cjasarse la curte e sclete cerimonie, vierte a ducj, cun chê il Comun e il Centri studis” Pier Paolo Pasolini” ogni an a onorin il lôr fi innomenât, intal aniversari de sô muart tragjiche, 47 agns indaûr. Tal ricuart di Pasolini, un mac di rosis al è stât metût su la sô tombe, leìnt cierts siei viers. Vinars ai 4 e sabide ai 5, invezit, inte sale consiliâr di palaç Burovich di Zmajevich e sarà organizade la anuâl cunvigne internazionâl di studis, chest an titulade “Pasolini 100. Ieri. Oggi. Domani”. La cunvigne, dedicade ae ereditât e ae lezion dal scritôr “corsâr”, e sarà ancje la ocasion par segnâ un belanç ae conclusion des celebrazions pal centenari. (A.I.) – 02.11.2022