Ricercjis di Cristian, il bon timp al podarès judâ

Ancjemò nissune gnove des ricercjis di Cristian Molnar, il zovin di 25 agns puartât vie dal Nadison. Cun vuê a son siet i dîs di cuant che i volontaris e i specialiscj a àn tacât a cirîlu adun cu lis dôs fantatis cjatadis muartis doi dîs dopo dal tragjic fat.

Si spere cumò che cul timp bon al cali il nivel de aghe dal flum dant cussì plui pussibilitâts di cjatâ il cuarp di Cristian. I ogjets che a son stâts cjatâts îr no jerin dai zovins rumens.

Il scandai dal font dal flum e lis ricercjis de bande di passe 80 tra pompîrs e volontaris de Protezion civîl a laran indenant di sigûr fin a domenie. A judâju almancul pal mangjâ a son lis associazions locâls. (a.d.g.) – 06.06.2024