111
Cheste matine, i agjents de Polizie di Stât a àn eseguît il proviodiment di revoche e ritîr de licence pal cumierç al detai di ogjets preziôs, dade intal 2011 a une buteghe dal oresin di Pagnà. La ativitât comerciâl, duncje, no podarà plui lâ indenant.
La misure e je stade decidude dal Cuestôr di Udin, Alfredo D’Agostino, dopo des investigazions dai Carabinîrs che a vevin scuviert il cumierç di zoiis di divignince ilecite.
Il titulâr de ativitât al jere stât denunziât par ricetazion e condanât a un an e vot mês di reclusion e a 1.600 euros di multe. (A.D.G.) – 25.08.2022
