Siet personis a son stadis segnaladis dai carabinîrs des compagniis di Pordenon, Sacîl e Spilimberc par vê vuidât in cundizions di ebrietât intes primis trê setemanis di Zenâr dal 2026.
I controi a son stâts fats in cetancj lûcs de provincie, di Davian a Montreâl. Davian al reste une zone une vore sot control par vie dai trê incidents regjistrâts in chest periodi.
Il câs plui grivi al è sucedût a Montreâl, dulà che un om di setantevot agns di Andreis, intant che al vuidave, si è sfracaiât cuintri dai mûrs dal tunel “Magredo” dilunc de Sr 251. Traspuartât tal ospedâl di Pordenon, l’om al à fat un test dal alcul, che al è stât positîf. Il veicul al è stât secuestrât in spiete de confische.
In ducj i câs, lis patentis di vuide a son stadis daurman revocadis e mandadis ae Prefeture di Pordenon pai proviodiments aministratîfs di competence. I veicui a son stadis dadis a personis adatis dulà che al jere pussibil, invezit tai câs plui gravis a l è stât fat il secuestri aministratîfs. (a.d.g.) – 23.01.2026
