La Vuardi di finance e à scuviert passe 70 proprietaris di cjase che a vevin declarât di jessi a vivi a Tarvis e che invezit a dopravin l’imobil dome pes vacancis e che a lavoravin e a vivevin di une altre bande. Ae fin si fevele di passe 160 mil euros di tassis no paiadis par Imu e Ilia.
Lis investigazions a son tacadis tal 2023 e a àn controlât i agns dal 2020 al 2024, par plui o mancul 5 mil imobii. Par scuvierzi se la residence e jere di comut, i financîrs a àn incrosat une schirie di dâts, de residence dal nucli familiâr ae sede dal lavôr, de disponibilitât di altris imobii ae sielte dal miedi di famee, cence dismenteâsi des boletis cu la analisi dai consums di lûs e gas che a mostravin trop e cuant che e jere doprade une cjase.
Dutis lis posizion no regolârs a son stadis ancje comunicadis al Comun che al à inviât lis pratichis par vê indaûr i bêçs. Il 30% di chei che a son stâts becâts a àn daurman paiât il debit par evitâ di scugnî paiâ di plui. (a.d.g.) – 13.07.2026
