A son il trafic di piçui di cjan e di faune salvadie de Europe dal Est i reâts chei che a dan plui pinsîr cuant che si fevele di disfrutament criminâl dai nemâi inte nestre regjon.
Il dât al è dentri dal Rapuart Zoomafia fat de Lav – Lega Anti Vivisezione, che al vise che in cheste regjon a son stâts regjistrâts 303 procediments penâi cun 147 personis sot investigazion par reâts cuintri dai nemâi.
La plui part di chescj câs – al è scrit tal document presentât vuê a Rome – e je leade al maltratament o al abandon, ancje se a son stadis trê investigazions cun sîs indagâts par trafic internazionâl di piçui di cjan.
Dal rapuart al salte fûr dut câs ancje un dât positîf: nissun câs di maltratament di nemâl inte nestre regjon al è stât fat di un minôr di etât e chest al fâs ben sperâ pal futûr. (a.d.g.) -08.07.2025
