80
Arestats îr sot sere doi forescj che a vevin di pôc fat une rapine ai dams di un lôr conazionâl intal parc Moretti di Udin.
La vitime e jere stade cjapade a pugns e pidadis in maniere une vore violente e dopo i doi i vevin puartât vie orloi, un russac e altris ogjets personâi.
La reazion dai carabinîrs e je stade pardabon svelte e in pôc timp i militârs dal Nucli Operatîf e radiomobile a àn rivât a cjatâ e arestâ i doi delincuents di 32 e 33 agns, cence cjase, che a vevin ancjemò intor la robe robade e che a son stâts puartâts daurman in preson indulà che a son a disposizion dai judiçs. (a.d.g.) – 29.04.2026
